شفاء طفلك الداخلى
بقلم / سمر جرجس مرقص
اخصائية ارشاد نفسى و اسري و زواجى و تعديل سلوك
عضو اتحاد المعالجين النفسيين العرب
هو أنا ليه أوقات بتصرف زي الطفل؟!
ليه ساعات بزعل بسرعة 😭
أو بخاف من الرفض 😒
أو بحس إني مش كفاية ☹️
تعالى اقولك 📣📣
الحقيقة ان جواك طفل صغير …
مكنشي بيتفهم ..
مكنشي بيتسند ..
مكنشي بيتحب ..
اتوجع واتكتمت مشاعره ومحدش سأله مالك؟!
طفل اتحمل فوق طاقته…
و اتعلم يسكت علشان ما يخسرش حب الناس 😒
تشافي الطفل الداخلي مش دلع🩹
ولا جلسة عياط وخلاص 😥
التشافي الحقيقي هو إنك تفهم إن مشاعرك صح 🌿
التشافى استغاثة من جواك للي اتكتم زمان 😞
لما تلاقي نفسك بتتصرف تصرف مش مفهوم …
اسأل نفسك ؟؟
هل اللي جوايا دلوقتي ده صوتي أنا ؟!
ولا صوت طفل محتاج أمان؟! 🤔
طيب نعالج ده ازاى ؟؟
١- راقب أفكارك عن نفسك.
أنا مش كفاية = ✖️ فكر مش واقعي
٢ – بدل الفكره دى بـ أنا كبرت ولسه بتعلم أكون حنين على نفسي
تعالى اقولك خطوة عملية 💚
كل مرة تحس فيها إنك ضعيف أو مش مفهوم …
اقفل عينيك وتخيل الطفل الصغير اللي جواك وقوله …
أنا معاك … و فاهمك … ومش هسيبك لوحدك تاني ✨
التشافي الحقيقي يبدأ لما تمد إيدك لطفلك الداخلي وتطبطب عليه 👏👏
التشافى مش ضعف ده قمة القوة 💪💪
التشافي مش نسيان ..
التشافي هو إنك تتصالح مع طفلك الداخلى 🩹✨
وتكمل الحياة خفيف مش لأنك نسيت لكن لأنك فهمت🤍💛💙
